نجوى المالحي- كود //

سلمى رشيد اللي ما قدمت حتى عمل اللي ممكن المغاربة يبقاو عاقلين عليه، حتى هي دورات بيها بعض المتطفلين على الميدان، واللي بغاو يرجعوها ماجدة الرومي بزز.
‏
حسب مصادر “كود”، سلمى رشيد كلفات شخص مبتدئ كينظم الندوات ولي هو نفس الشخص اللي كيتعامل معاه الدوزي.. هاد الأخير بدا كينظم علاقة سلمى بالإعلام، والملاحظ انه كيتعامل بعشوائية ومانعها تتواصل مع الصحافة ديال بلادها، كتهضر غير مع الصحافيين اللي جايين من لبنان.

سلمى رشيد اللي طلقات أغنية جديدة، ومن المفروض تروج ليها إعلاميا، هاد السيد لي مكلف بيها كيقول للصحافيين رسلوا لينا الأسئلة وغادي نجاوبوكم، وهاد الطريقة طبعا كيديروها غير الشخصيات الكبيرة اللي واصلة ديال بصح.

بعض الفنانين  المغاربة لي أغلب الشهرة ديالهم جابوها غير من مواقع التواصل، ومنهم سلمى رشيد، كيديرو شي تصرفات من الممكن أنها تخرج على مستقبلهم الفني، خصوصا إلا دورو بيهم ناس ما عندهم حتى علاقة بالضومين، وداخلين غير جبهة.