كود سبور///

النجم الفرنسي كيليان مبابي، مهاجم باريس سان جيرمان، عبر على فرحتو بالأداء اللي قدمو صاحبو فالفرقة أشرف حكيمي مع “أسود الأطلس” فالماتش اللي جمع المنتخب الوطني مع المالاوي اليوم، واللي نجح فيه المغرب فحجز بطاقة التأهل إلى الدور الربع، بعد ماربح على منتخب “الشعلات” بهدفين مقابل واحد، فالمواجهة اللي تلعبات فملعب “أحمدو أهيدجو”، فالعاصمة الكاميرونية ياوندي. برسم دور ثمن نهائي كأس أمم إفريقيا المقام حاليا بالكاميرون.

ونشر مبابي تغريدة على حسابو بموقع “تويتر” بعد هدف حكيمي في مرمى منتخب مالاوي، وكتب فيها: “اشرف حكيمي أفضل ظهير أيمن فالعالم، تصبحون على خير الدراري”.

ACHRAF HAKIMI.
BEST RB IN THE WORLD.

GOOD NIGHT GUYS. ????????

— Kylian Mbappé (@KMbappe) January 25, 2022

وسجل أشرف حكيمي فالشوط الثاني هدف عالمي بعد تنفيذو ضربة خطأ بطريقة كبيرة ومتقونة بزاف، فواحد من أجمل أهداف هاد الدورة.