كود سبور//

طمأن سعيد الناصيري رئيس الوداد الرياضي جمهور الفريق حول الحالة المالية للنادي، وأكد أن أغلب المشاكل والملفات العالقة ديال الفريق تم حلها وشدد على أن أنصار الفريق لا يمكن أن يدفعوا ثمن أخطأ فالانتدابات أو التعاقدات.

سعيد الناصيري كشف خلال خروج له مع الصفحة الرسمية للوداد الرياضي أن النادي كيدور بغلاف مالي كيتقد ما بين  120 و 130 مليون ديال الدرهم، وكل سنة كترتفع الميزانية الخاصة بحكم أن ليشارج كيتزادو والقيمة ديال صفقات اللاعبين كتطلع وهادشي كيأزم، ووضح أن المداخل ديال الوداد كتعتمد على الجمهور والمستشهرين، وأكد: “حنا كنحاولو ما نزيدوش فثمن تذاكر المباريات بشكل مضاعف، حيث كنراعيو القدرة الشرائية ديال جمهور الفريق.

سعيد الناصيري كان واضح وصريح وقال أيضا: “كاينين أخطأ أخرى فحال اللاعبين لي كانمشيو معهم النزاعات، وعدد من اللاعبين جبناهم وغلطنا فيهم وأنا اللي كنتحمل فيهم المسؤولية، وملي كنقول انا كنتحمل المسؤولية ما كيعنيش نقولها وصافي راه كيخصني نمشي نجيب موارد مالية اللي نخلصو بها النزاعات وتغلبنا على جل النزاعات واللي تبقى غنحلوه فالمستقبل”.