كود كازا//

فالحصيلة اليومية لفيروس كورونا المستجد اللي علنات عليها وزارة الصحة اليوم الخميس 24 يونيو، ففهذ 24 ساعة الأخيرة تقاسو 484، وماتو 11، وفالمجموع 3885 كيتعالجو، وكثر من 108 ألف خداو الجرعة الثانية.

التلقيح:

وتلقحو اليوم 71503 بالجرعة اللولة، ووصل عدد الملقحين بيها ل9756702 فالمجموع، بينما 108962 خداو الثانية، ووصلو هكذا فالمجموع ل8675529.

الإصابات:

تقاسو اليوم 484 واحد من أصل 12423 واحد دار التحليلة، ووصل عدد المصابين فالمجموع ل528180.

ومؤشر الإصابة التراكمي وصل ل1451,7 لكل 100 ألف نسمة، بمعدل 1,3 لكل 100 ألف نسمة فهذ 24 ساعة.

حالات الشفاء:

تشافاو اليوم 406، ووصل الإجمالي ل515030، بنسبة تعافي ديال 97,5 فالمية.

الوفيات:

واليوم ماتو 11، 4 فكازا و2 فقنيطرة وواحد فكل من سطات وقلعة السراغنة وسلا وسيدي سليمان والمضيق، ووصل هكذا عدد الوفيات ل9265، بنسبة فتك 1,8 فالمية.

الحالات النشيطة والحرجة:

عدد الحالات النشيطة طلع ل3885، وعدد الحالات الحرجة وصل ل198 حالة، 20 تدهورات غير اليوم، و7 تحت التنفس الاختراقي، أما نسبة ملء أسرة الإنعاش فبلغات ل6,3 فالمية.