أسماء غربي – كود//
خرجات جمعية التربية الفنية والثقافية “EAC-L’Boulvart” ببلاغ جديد جا فيه أنها متبعة الأخبار والمنشورات لي كتدوي على اغتصاب بنات فالسهرة ديال البارح الجمعة.
المنظمين قالو أنهم حاليا كيديرو الخطوات القانونية باش يتفتح بحث قضائي في الموضوع، وأنهم خدامين مع السلطات المختصة وتواصلو حتى مع ناس عبر الانترنت لي وصلوهم هاد الميساجات لي كيدورو في الصفحات وبين الناس.
وفي البلاغ المقتضب عبرو المنظمين ديال البولفار على إدانتهم لكَاع مظاهر العنف والتمييز الجنسي والتحرش بجميع أنواعو.
