الرئيسية > آش واقع > المنصوري الدق والسكات. كلاشات بنعلي عامل الوكالة الحضرية اللي كيخاف منو كلشي: ما عندكش ڤيزيون وخاصك ترجع للسكنى
03/01/2022 16:00 آش واقع

المنصوري الدق والسكات. كلاشات بنعلي عامل الوكالة الحضرية اللي كيخاف منو كلشي: ما عندكش ڤيزيون وخاصك ترجع للسكنى

المنصوري الدق والسكات. كلاشات بنعلي عامل الوكالة الحضرية اللي كيخاف منو كلشي: ما عندكش ڤيزيون وخاصك ترجع للسكنى

كود كازا ///

وزيرة السكنى وسياسة المدينة والتعمير فاطمة الزهراء المنصوري خدامة فالسكات. كتضرب فين خاص يتضرب والوقت اللي خاصو يتضرب. وهاد الشي كولشي فالسكات.

اليوم كانت فكازا. كان اجتماع مع والي الجهة وعامل الوكالة الحضرية والمسؤولين على التعمير والسكنى وسياسة المدينة. تكلمات على سياستها فالوزارة. كان نقاش وكلشي هدر وهي فهاد النقاش كلاشات عامل الوكالة الحضرية توفيق بنعلي اللي من غشت 2018 وهو فبلاصتو. الوزيرة قالت ليه باللي خاصو يرجع للسكنى اللي جا منها وما يبقاش فهاد المنصب وباللي ما عندوش ڤيزيون =تصور= لكازا. للتعمير فكازا.

طبعا هادا دليل على انو فشل فمهمتو. على انو خدام مع صحابو لقلال. هو كان معول على شي سياسيين فاشلين من الاغلبية يدافعو عليه. الساعة وراتو المنصوري اش كيسوى.

المنصوري سبق وجبدات هاد الموضوع فالبرلمان قدام وزير الداخلية عبد الوافي لفتيت. قالت باللي لا يعقل يبقى التعمير فشي بلايص تابع للداخلية وهدرات على المشاكل. اليوم اكدات كلامها.

هي عارفة من خلال مسؤوليتها ان قطاع لبني هو اللي ممكن يخلق الرواج فكازا. ايلى تحرك راه كيحرك معاه كلشي.

كيفاش وزارة الداخلية هي اللي كتحكم فالتعمير من عهد البصري. بوحدها اللي ما تابعات لوزارة التعمير. دابا كاين شي قانون كيتوجد باش يسالي مع هاد المرحلة.

المنصوري فين ما مشات كتوجه رسائل. الدق والسكات

موضوعات أخرى

28/03/2024 14:45

بوليس سيدي قاسم شدو 4 فيهم واحد قاصر بانو ف فيديو هازين السيوفا وكيسبو فمؤسسات وموظفين عموميين وكيحرضو على تنفيذ اعتداءات

28/03/2024 14:28

واش الحكومة غاتحل الحمامات مور الشتا لي طاحت.. بايتاس لـ”گود”: على حسب كل إقليم والوضعية ديال الماء فبلادنا صعيبة ونسبة الماء لي دخلات للسدود ضعيفة

28/03/2024 14:22

تعيينات جديدة فمناصب عليا دازت اليوم فمجلس الحكومة: منهم مدير المحروقات ومدير الموارد البشرية فوزارة الخارجية

28/03/2024 14:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 13:30

وزير النقل للساقطين فامتحان البيرمي: غانعطيوهم فرصة جديدة ومغاديش يتحسب امتحان الاثنين والهدف من الأسئلة الجديدة هو نقصو من الكسايد