كود سبور//
ودع المنتخب الوطني المغربي لكرة القدم للمبتورين كأس العالم 2022، من ربع النهائي من بعدما خسر اليوم مع تركيا اللي منظمة البطولة.
وانهزم المنتخب المغربي مع تركيا بنتيجة 4 أهداف مقابل هدف واحد، وهو الهدف اللي ماركاه إلياس السبيع فالدقيقة 47 من عمر المواجهة، وبهذا توقفت المشاركة ديال ليكيب ناسيونال عند ربع النهائي، وغيلعب مباراة الترتيب ضد الطليان.
للإشارة كتبقى المشاركة ديال المنتخب الوطني المغربي فكأس العالم لمبتوري الأطراف إيجابية، على اعتبار أنها أول مشاركة له فهاذ البطولة ووصل فيها لربع النهائي.
