العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه
كود سبور//
شد المنتخب الوطني المغربي المحلي لكرة القدم الطريق ديالو فاتجاه النمسا مساء اليوم الأربعاء، من أجل المشاركة فالدوري الودي الاعدادي لي غيتقام ما بين 20 و 26 غشت الجاري.
وكيفما كشف “كود” فوقت سابق اللاعبين ديال المنتخب الوطني المغربي المحلي والطاقم التقني ديالو، دارو حصة تدريبية خفيفة اليوم بمركز محمد السادس لكرة القدم، ومن بعد منها توجهو لمطار “الرباط سلا” هذا لعشيا وسافروا للنمسا.
وكانت قناة الرياضية كشفت مساء أمس على أن الدوري ديال النمسا تلغى وهو الخبر لي انتشر بشكل كبير على مواقع التواصل الاجتماعي، لكن ظهرت الليلة الماضية معطيات جديدة كتكشف على انه ما صدر حتى إشعار من الجهات لي منظمة لهذا الدوري وبالتالي فالمنتخب غيسافر من أجل المشاركة فيه.
للإشارة بالمغرب كيشارك فالدوري ديال النمسا الودي بالمنتخب الوطني المغربي المحلي، وغيواجه المنتخب القطري والمنتخب الغاني بالاضافة إلى المنتخب ديال جمايكا.