اسماء غربي – كود//

من بعد الديفيلي ديال “ديور”، وزواج “إدريس إيلبا”، جات نوبة الممثل والمخرج الأمريكي المعروف “إيلي روث”، اللي كيمثل بزاف مع “تارنتينو”،  يزور مراكش.

وعبر روث على اعجابو بمدينة سبعة رجال، وحط تصاور وهو في جامع الفنا، وفي سوق العطارين، وراكب على الجمل في الصحرا، وفي حدائق ماجوريل…

وما بين الحاجات اللي عجبوه بزاف هو  تحدي #الحايك والجلابة واللثام المغربي.

ونشر روث على حسابو في موقع انستگرام تصاور مع البنات المنقبات، وعلق عليهم: “تلاقيت  في ساحة سوق العطارين في مراكش، بهاد البنات الرائعات دايرين تحدي #الحايك والجلابة واللثام المغربي، ودعاوني الى التقاط تصاور معاهم ، علما انني مكنعرف حتى معلومة على هاد  التحدي، وهادشي علاش كيعجبني نسافر ونكتشف بلدان اخرى، خلاوني نحس انني فداري وبلادي”.

https://www.facebook.com/172118712872056/posts/2204319292985311?s=780348769&v=e&sfns=mo