كود – وكالات //

غايمثل الممثل الألماني أوكَست ديل (August Diehl) دور “ڤولند/Woland/Voland” (إبليس) فـ فيلم “ڤولند” الروسي، الموخوذ من رواية ميخايل بولكَاكوف “المعلم وماركَاريتا” (The Master and Margarita).

وغايصور المخرج الروسي، ميخايل لوكشين، الفيلم بين موسكو، سان بطرسبركَ ومالطا، حتى لأكتوبر المقبل.

وقال المخرج: “أوكَست ديل قدر يفهم شخصيتو السينمائية، وفهم، بشكل غير مسبوق رواية “المعلم  وماركَاريتا” للكاتب الروسي، ميخايل بولكَاكوف، و عرف كيفاش غادي ينقل الشخصية للسينما”.

وقال الممثل الألماني أنه قرا للمرة اللولة رواية ميخايل بولكَاكوف فاش كان فعمرو 17 لعام، وفداك الوقت ماكانش كايفهم شحال من حاجة، وعاود قراها فاش شارك فتصوير الفيلم، وقدر يلقى حاجة زوينة فالكتاب ويعرف خصوصيتو.

كيف عبر ديل على إعجابو بالشخصية اللي غايلعب الدور ديالها فالفيلم.