نجوى المالحي-كود//
الأسابيع كتدوز بالزرية عند عائلة الممثل أنس الباز لي كيتسنى هو ومراتو ذات الأصول الأندونيسية سارة، ولدهم الأول.
في هاد الأشهر الأخيرة كرش سارة كبرات، وحتافلو ب7 شهر ديال الحمل، وكيحاولو يعيشو كل لحظة ببزاف ديال الحب والغرام في انتظار استقبال ولدهم ويحضنوه بين يديهم.
انس وسارة تزوجو عن قصة حب زوينة بزاف، وواخا تعاليق بعض المتخلفين على لباسها بالمايو حيت حاملة ، الكوبل مامسوقش وكياخد الطاقة الايجابية من تعاليق المتتبعين الزوينة.
