كود – وكالات//
بيل كَيتس، الملياردير المؤسس لشركة “مايكروسوفت”، ومراتو ميلندا كَيتس، علنو على الانفصال ديالهم بعد 27 عام ديال الزواج.
وكشف كَيتس ومراتو على هذشي، فبيان ليهم عبر تويتر، قالو فيه أنهم قررو يساليو علاقتهم الزوجية.
وأكدو فالبيان المشترك، اللي تنشر فحساب بيل كَيتس الرسمي، أنهم غيكملو الخدمة بجوج فالمؤسسة ديالهم الخيرية، واخا طلقو.
— Bill Gates (@BillGates) May 3, 2021
والعام اللي فات، كان علن بيل كَيتس تنحيه عن رئاسة مجلس إدارة شركتو “مايكروسوفت”، للتركيز على إدارة مؤسستو الخيرية “Bill and Melinda Gates” غير الربحية مع مراتو.
وتزوجو بيل كَيتس ومليندا كَيتس فهاواي عام 1994.
وميليندا كَيتس هي مديرة سابقة لعدة منتجات من “مايكروسوفت” من بينها “مايكروسوفت أوفيس ببلشر” و”مايكروسوفت بوب”.
