أسماء غربي – كود///

الملك محمد السادس شرا يخت جديد، وعطاه إسم قريب للحسيمة، وهو إسم  « باديس١» اللي مأخوذ من إسم جزيرة بادس قبالة الحسيمة.

اليخت شراه الملك من عند شركة پيريني نافي المتخصصة في بناء اليخوت، ودار عليه الطلب سنة 2015 حسب صحيفة « إل باييس »، وكتبلغ قيمته المالية 90 مليون أورو، أما الطول ديالو فكيوصل ل72 متر، وكيقدر يهز 12 لواحد.

هاد اليخت حسب الصور، كلاص بزاف وفيه لاصال ديال الرياضة ومناظر بانورامية،بالاضافة الى أن الاثاث ديالو تم إختياره بعناية.