أسماء غربي -كود//

الممثل التركي بوراك أوزجيفيت ومراتو الممثلة فهرية أفجين ولدو أول ولد، والشركات منوضين ليهم القوق باش يصورو ولدهم مقابل فلوس صحيحة.

الرضيع لي مازال معندو حتى شهر ولاو الشركات كيضاربو عليه وكلشي باغي يولي في اللوحات الإشهارية ديالهم، وكاين شركة عقارات قطرية بغات تخلص 2 مليون ليرة تركية، غير باش تاخد الاسم ديال الرضيع يولي في مشروعها الجديد.

الزوجان باقي مقبلو ما رفضو وقالو يتسناو حتى يكمل الدري 40 يوم، وديك الساعة يجاوبو الشركات واش موافقين أو لا.

وكان عرس بوراك وفهرية هو حديث الصحافة في 2017، وحضر ليه كثر من 500 واحد.