19/04/2024 04:00
تقرير كيورط شركة “نيسلي” ففضيحة.. المواد لي كيديرو في “نيدو” و”سيريلاك” فالدول الفقيرة ماشي نفسها لي كاينة في الدول المتقدمة
نجوى المالحي-كود//
اليوم نهار كبير عند المغنية اليمنية بلقيس فتحي لي غادي تخرج أول أغنية مغربية.
المغنية لي عندها الجنسية الاماراتية اختارت باش تطلق الأغنية من كازا وسط جمهورها المغربي.
بلقيس ماكينش نهار لي مكتعبرش فيه عن حبها للمغرب سواء من الدارجة لي كتدوي بيها مزيان أو من الماكلة لي كتطيب في دارها أو حتى القفطان لي كتلبسو في حفلاتها في الخليج.
وكانت بلقيس دارت حفل زفاف اسطوري في دبي واختارت الزفة المغربية وشطحات على أغنية ديال الشعبي هي والمغنية المصرية شيرين عبد الوهاب.
الأغنية لي غادي تخرج صوراتها على طريقة الفيديو كليب وحطات التيزر في صفحاتها وشوقات المتتبعين ديالها في انستكرام لي العدد ديالهم كثر من 9 مليون واحد.
