مصرية تعدات جنسيا على ولد جارتها عندو غير 10 سنين وصوراتو باش تجيب مشاهدات على “تيك توك”
عفراء علوي محمدي- كود//
جا المغرب فالمرتبة 44 فمؤشر الجوع العالمي، وفالمرتبة 2 مغاربيا بعد تونس و5 فالشرق الأوسط بعد الكويت وتونس والسعودية والأردن ولبنان، حسب تقرير المعهد الدولي للدراسات في مجال السياسة الغذائية.
وحسب التقرير نفسو، فالمغرب من بين الدول اللي ماعندهمش الجوع بزاف، بمؤشر 8.9، اللي انخفض بالمقارنة مع السنة اللي فاتت اللي كان 9.4، وكان المغرب عندها فالرتبة 42.
وهذ المؤثر اعتمد فهذ الاحصاءات مجموعة من المعايير، اهمها النسبة المئوية للسكان اللي عندهم نقص التغذية، ونسبة الأطفال قل من خمس سنين اللي عندهم الهزال الهزال، إضافة إلى اللي كيعانيو من التقزم؛ علاوة على معدل وفيات الأطفال دون سن الخامسة.
وسوء التغذية فالمغرب وصل ل4.3 بالمائة، ونسبة الاطفال اللي ميعانيو من الهزال 2.6 فالمية، واللي كيعانيو التقزم 15.1 فالمية، ومعدل وفيات الأطفال قل من 5 سنيت وصل ل2.2 فالمية.
وكانت الأمم المتحدة رفعات شعار “لا جوع حتى 2030” هذي 5 سنين، إلا أن فيروس كورونا المستجد زاد نلا دول كثيرة تزيد تموت بجوع، والدول المتقدمة يرتفع فيها مؤشر الجوع كثر.