الإنديبندينتي: جهود البحث عن المافيوزي كريم بوياخريشان كتركز بشكل رئيسي على المغرب وها الوجهة الثانية اللي يقدر يهرب ليها
كود- عن الأخبار//
المغرب غادي فتصنيع اللقاح المضاد لفيروس كورونا بعلامة “صنع فالمغرب”، وغيكون هذ اللقاح جاهز للتسويق فاللول من نونبر 2021.
وحسب جريدة “الأخبار”، نقلا عن مصادر فوزارة الصحة، فالاستعدادات بدات بعد حفل إطلاق وتوقيع الاتفاقيات المتعلقة بتصنيع لقاح مضاد للفيروس فالمغرب، اللي ترأسها الملك محمد السادس.
وكشفات أن مسؤولين تنفييذيين توجهو، هذ السيمانة، لمقر شركة سوثيرما للتعرف على قدرتها على إنتاج لقاحات مغربية الصنع، وسافطات شركة “سينوفارم” كَاع الوثائق المتعلقة بتصنيع اللقاح حسب البروتوكول الصناعي اللي دارتو الشينوا.
وتافقو باش ياخد المغرب مرافق تعبئة معقمة تابعة لشركة “سوتيرما” المملوكة ل”سينوفارم”، لتصنيع لقاح مضاد للفيروس.
وتوصيل اللقاحات الأولى للمغرب وانطلاق التصنيع تسهل بفضل الخبير فالتكنولوجيا الحيوية سمير مشور، اللي قال فخطابو أمام الملك بهذ المناسبة أن هذا المشروع كيشكل خطوة أساسية كستسمح بإحداث قطب فالمغرب لصناعة الأدوية الحيوية على مستوى إفريقيا.