“إل إسبانيول”: أجهزة الأمن البلجيكية غادي تعين ضابط اتصال استخباراتي ف المغرب وها علاش
عفراء علوي محمدي – كود//
كشف التقرير السنوي لمكتب الصرف للتجارة الخارجية لسنة 2020، ان التجارة البحرية الخارجية هي الاكثر اعتمادا من طرف المغرب، بمجموع 91,4 مليون طن، اي ب96,3 فالمية من التجارة العامة مع بقية دول العالم.
واغلب هذ التعاملات، أي 94 فالمية منها، دارت من الموانئ الأطلسية بين أكَادير وطنجة والجرف الأصفر وكازا بور، وفالمقدمة، حقق ميناء الجرف الأصفر 38,9 فالمية من التجارة البحرية المنفذة ف2020، مقابل 39,5 فالمية ف2019، وكتستند هذ الإنجازات بشكل أساسي على صادرات الأسمدة الطبيعية والكيماوية وواردات الفحم وفحم الكوك والوقود الصلب.
كيجي بعدو ميناء كازا، بحيث بلغ نسبة 30,7 فالمية من المعاملات التجارية مقابل 31,3 فالمية عام 2019، وكيعتمد هذ الميناء على تصدير الفوسفاك واستيراد القمح.
وكيحتل كل من ميناء آسفي وميناء طنجة المتوسط الرتبة الثالثة والرابعة، بنسبة 8.8 فالمية و 5.5 فالمية على التوالي، وكيستورد ميناء آسفي الفحم وفحم الكوك والوقود، وميناء طنجة المتوسط كيستورد زيوت الكَاز وزيوت الوقود.
وركز النقل الجوي على 0.3 فالمية فقط من التجارة العامة للبضائع ف2020، مقابل 0.4 فالمية ف2019.
وحقق مطار طنجة نسبة 88.5 فالمية من هذه التبادلات الجوية، بنسبة 56.2 فالمية من التجارة، كيجي موراه مطار مراكش بنسبة 17.2 فالمية.
وصدر المغرب حمولة 33 ألف و753 طن متري فعام 2020، بأكثر من 93.2 فالمية من الصادرات عن طريق البحر، واستورد 98 فالمية عن طريق البحر، حيث ب61 ألف و203 طن متري فعام 2020.