الرئيسية > تبركيك > المغربي اللي تيراو فيه فتكساس : مو سافرات لأمريكا باش تحقق العدالة
24/11/2021 09:00 تبركيك

المغربي اللي تيراو فيه فتكساس : مو سافرات لأمريكا باش تحقق العدالة

المغربي اللي تيراو فيه فتكساس : مو سافرات لأمريكا باش تحقق العدالة

كريم الصوفي – كود//
[email protected]

ذكرت مواقع إخبارية، أن أفراد من أسرة عادل الدغوغي٬ المغربي اللي تقتل بالقرطاس فتكساس شهر أكتوبر الفايت سافرو لأمريكا باش يطالبو بتحقيق العدالة وعدم إفلات المجرم من العقاب والتنسيق مع محامين باش يتوصلو للأسباب اللي خلات السلطات تسنا 11 يوم قبل اعتقال المتهم ومحاولة تكييف القضية ف إطار “الدفاع عن أملاكك” واللي كيسمح لسكان تكساس باستعمال أسلحة مرخصة فحالات الدفاع الشرعي عند مواجهة أشخاص تعداو على الملكيات ديالهم.

وأضافت التقارير ذاتها، أن والدة الضحية عادل سافرات للمطالبة بتوقيع أشد العقوبات على المتهم اللي عندو 65 عام وقتل ولدها بقرطاسة بدم بارد.

وحسب وثائق المحكمة، اتصل القاتل تورنر بخط طوارئ البوليس 911 وقال ليهم بالحرف : “يالله قتلت راجل”، وأضاف ان الضحية “نيش علي بالفردي وانا نتيري فيه”. غير هو البوليس ما لقاوش الفردي عند الضحية الدغوغي وقلبو الطونوبيلة ووالو. جريدة “ديلي بيست” كتبات باللي البوليس ما شداتش مول الفعلة تيرنر لانو تعاون معاها. خرج من بعد امر تفتيش ورجعوه مشتبه في فجريمة قتل وما تشد حتى دازت 11 يوم

خو عادل قال باللي شقيقو خريج جامعة جونسون آند ويلز في رود آيلاند فنيويورك كان داخل سوق راسو ما يؤادي حد، ديك الليلة كان سايگ طونوبيلتو وتلف فالبلاصة اللي ما فيهاش جي بي اس” ديك الليلة لقى قرطاسة فراسو

وأكد شقيق الضحية اللي ، أن عادل انسان داخل سوق راسو ولم يؤذي أحداً وكان سايگ طوموبيلتو وتلف وتوقف ف بلاصة ما فيهاش “جي.ب.أس” والتغطية العافية فيها ضعيفة قبل ما يتقلى قرطاسة قاتلة.

https://www.univision.com/local/austin-kakw/familia-adil-dghoughi-recibio-disparo-estacionarse-frente-casa-terry-turner-texas-justicia

موضوعات أخرى

28/03/2024 13:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 12:30

من هنا لسيمانة.. اللي عندو شي طوموبيل أو موطور ففوريانات كازا ومجاش سحبهم غيتباعو

28/03/2024 12:20

جنايات فاس فرقات 33 عام ديال الحبس على ريزو د التهجير السري وها التهم اللي تابعوا بها

28/03/2024 12:19

ليلة “العشاء الأخير” فحزب الاستقلال: هادي 3 قضايا كبرى غادية تشعل حروب ف “الميزان” قبل وبعد المؤتمر

28/03/2024 12:10

جوندارم الدروة طيحو  بزناز عندو الحشيش والبوفا والغبرة والقرقوبي نواحي برشيد

28/03/2024 11:30

فهم تسطى مع نظام العسكر.. الجزائر عينات جوج قناصل فالمغرب واخا دايرين القطيعة معانا