نجوى المالحي-كود//
هاد اليوماين المغربية مريم حسين حتافلات بعيد ميلادها في دبي فين مستقرة، وحطات ستوريات في سناب شات، وفي جميع الفيديوهات بانت ماكاين لا كمامة لا تباعد اجتماعي لا والو.
الصحافة الاماراتية نزلات عليها نهار الأحد وقالت أنه تم اعتقالها لعدم احترام الاجراءات الاحترازية للحماية من فيروس كورونا، وهادشي نفاتو مريم بفيديوهات في حسابها، وبانت وهي كتغني مع النشيد الوطني ديال دبي وشكرات الحكومة.
ودوزات المغربية لي سبق ودخلها خو حسين الجاسمي للحبس في قضية شطيح سيكسي مع الرابور تايكَا، ميساج أن الواحد الا خطأ الناس لي كيبغيوه كينبهوه والا عاود كيعاقبوه، في اشارة ان المسؤولين قرصو ليها وذنها ودابا غادي تلتازم كما ينبغي.