وكالات //
كشفات الممثلة المصرية هانا الزاهد أنها دارت عمليات تجميل على نيفها لأنه كان معقدها بسباب حجم التنمر الكبير اللي تعرضات ليه فصغرها.
هانا جاوبات على سؤال واحدة من المتتبعين ديالها اللي سولاتها واش دايرة عمليات تجميل وقالت ليها “أيوه وأنا فالمدرسة كانوا بيتنمرو على مناخيري، ولما كبرت عملتها بسبب إنها عملت لي عقدة”.
هانا الزاهد حاول البعض يعايرها بتصاورها القديمة اللي جبدو ليها من الأرشيف قبل ما دير عمليات التجميل وهادشي اللي خلاها تصارح الجمهور ديالها، وتأكد أنها مصالحة مع الشكل والجسد ديالها بكل إيجابية.