الرئيسية > تبركيك > المشاهير حتى هما طلع ليهم الدم من الحكومة: كتخربق وكتاخد قرارات اخر دقيقة – تدوينات
08/09/2020 18:00 تبركيك

المشاهير حتى هما طلع ليهم الدم من الحكومة: كتخربق وكتاخد قرارات اخر دقيقة – تدوينات

المشاهير حتى هما طلع ليهم الدم من الحكومة: كتخربق وكتاخد قرارات اخر دقيقة – تدوينات

نجوى المالحي -كود//

بسبب الإعلان اللي دارت الحكومة واللي قررت فيه التعليم عن بعد فمجموعة من المناطق ومنها كازا، تفاعلو بزاف ديال المشاهير بحالهم بحال بزاف ديال المواطنين المغاربة مع هاد القرار، وعبروا عن استياءهم، خصوصا وان هادشي اتعلن على بعد ساعات من انطلاق الدخول المدرسي.

قال المنشط التلفزي رشيد العلالي في منشور على حسابو: “سؤال للمسؤولين ديالنا: واش المقاهي و المطاعم عندهم أولوية على المؤسسات التعليمية ؟ كيفاش تقررو تغلقو المدارس و تخليو المقاهي مفتوحة !! التخربيق، قرارت_آخر_دقيقة”

وقالت الإعلامية، ابتسام كتيبي، في تدوينة ليها فحسابها على انستگرام: “بنتي وجدات حوايج المدرسة ونعسات، واش نفيقها دابا ولا نخلي لها المفاجأة حتى للصباح؟؟؟ شي حد يفسر لينا هاد القرارات ديال آخر دقيقة عافاكم!!! راه مابقينا فاهمين واااالو”.

زميل الكتيبي، صامد غلان، شبه الحكومة بالمنتخب الألماني لكرة القدم، وقال في تدوينته: “القاسم المشترك بين الحكومة والمنتخب الألماني هو قلب الموازين في الدقيقة 90، غير ألمانيا كتربح كأس العالم وحنا كنضحكو علينا العالم”.

وحتى المغنية نجاة الرجوي تساءلت عن سبب سدان المدارس، وترك القهاوي مفتوحة، وموضحة أنها كانت كتقول لولدها بأن جميع الاحتياطات متوفرة باش يرجع يقرا حضوريا، قبل ما تحطها  الحكومة في موقف محرج معه.

وليلى البراق ماخرجتش على خط الاعتراض على القرار، وقالت بدورها على حسابها أن الصدمة اللي غيتلقاها الأطفال من بعد إلغاء الدراسة حضوريا في كازا، غتدمر نفسيتهم بشكل سيء.. وقالت، موجهة هدرتها للحكومة:” باراكا علينا من هادشي ديالكم”.

موضوعات أخرى

29/03/2024 14:10

ها المعقول..استثمار صيني كبير فالمغرب بـ3 مليار درهم لانتاج بطاريات السيارات الكهربائية غايوفر 2500 منصب شغل وبلادنا هربات على لالجيري فصناعة السيارات

29/03/2024 14:00

الدريب لـ گود: الناصيري عطى لكثير للوداد وهادي صفحة وطويناها ودابا حقبة جديدة برئاسة البرناكي وغنخدمو لإرضاء الوداديين

29/03/2024 13:30

الجيش الإسباني غاد يوسع المنشأت العسكرية ف سبتة ومليلية وغيجهز مراكز خاصة للتدريبات والمناورات لسلاح المدرعات

29/03/2024 13:00

تفاصيل حصرية على وضع منسقة جهوية لحزب سياسي بجهة فاس مكناس فالحراسة النظرية: خدات من الضحايا فلوس صحيحة وصلات 18 مليون والمدير الجهوي ديال الضرائب هو اللي فضحها

29/03/2024 12:30

وضع المنسقة الجهوية لحزب سياسي بجهة فاس مكناس فالحراسة النظرية بسبب قضية كبيرة ديال النصب والاحتيال والتزوير

29/03/2024 11:30

السلطات المغربية قبلات العودة ديالهم.. گاع الحراگة اللي استغلو الموڤيطا ديال الثلاثاء الفايت وحرگو لسبتة رجعو