ملاك القوارب المعيشية فالداخلة: الأخبار على طي الضوسي ديال القوارب قفز على المكتسبات وإلتفاف على مطلبنا الأساسي
نجوى المالحي-كود//
من بعد 3 ديال السيمانات على مرحلة “الصوت”، بدات البارح على قناة “Tf1” مرحلة الاقصاء في برنامج “ذا فويس” فرانسا لي مشارك فيه الطفل “اينزو”.
كيتعلق الأمر بالطفل إينزو لي من أب فرنسي وأم مغربية، وكيسكن في هونك كونكَ، وشد طريق حتى لفرانسا باش يبين المواهب ديالو في الغنا ويشد بلاصة وسط المتبارين.
اينزو في عمرو 11 العام، وكان غنا اغنية can’t hold us down ديال ryan lewis وmacklemore، ونوض حماس كبير في الجمهور لي حاضر في البلاطو وقدر يضمن بلاصتو في البرنامج ويخطف قلوب لجنة التحكيم.
ودابا المتسابق قدر يبين على الصوت ديالو مرة اخرى من خلال اغنية alicia keys و jay-z لي سميتها empire state of mind، وقنع المغني سوبرانو باش يكون معاه في النصف نهائي لي غادي يدار السيمانة الجاية.
وعبرات المغنية جنيفر عن اعجابها بأداء إينزو وقالت أنه كان مميز على باقي المشتركين لي غنا معاهم. التأهل خلا الأم ديالو فاطمة الزهرا لي كانت مع الجمهور طير من الفرحة وبقات كتعنق وتعاود في راجلها.