20/04/2024 12:30
وزير خارجية ايران: هجوم اسرائيل لعبة اطفال ولن نرد عليه لان مصالحنا لم تتضرّر
كود العيون//
محمد ابو تريكة، لاعب المنتخب المصري والمحلل ف بي ان سبورت القطرية، لعب مع المغني محمد رمضان بجوج ففرقة وحدة واخا ما كيتحاملوش، لحقاش الأول عندو توجه اخواني والثاني بوق ديال عبد الفتاح السيسي رئيس مصر.
أبو تريكة لعب ميطا كاملة مع وائل جمعة ونادر والحارس نادر السيد والمغني المصري خرج، بعدما دخل بدقائق قليلة، لحقاش سخف وعيا، اش داه يترمى على الكرة، يديها غير فالغنى ديالو، لكن العيب ما شي فيه بل فهاديك اللجنة المنظمة لي جابتو.
أبوتريكة، اللي جرا عليه السيسي على ود التوجه الإيديولوجي ديالو، حيت هو محسوم على الرئيس السابق محمد مرسي، كان مرتاح بزاف وهو مجمع مع ولاد بلادو وائل جمعة وخالد الغندور ونادر السيد فالطيارة. كانو منسجمين وناقشوا مجموعة من المواضيع باستثناء السياسة.
أما المغني محمد رمضان ماكانش معاهم ومابان ليه اثر بعدما سالا الماتش.
