نجوى المالحي – كود//

المريكانية كينزي ولانكسي لي دارت بوز حقيقي ملي دخلات للتيران في ماتش ليفربول وتوتنهام بمايو سترينك مستمتعة في هاد الاثناء بالجو ديال مراكش لي كلشي كيتسطى عليه.

عارضة الازياء لي تحدات كلشي باش دير اشهار للسيت ديال صاحبها مشات لجامع الفنا وحطات ستوريات غير دابا ديال الحنوشة والطرابش والتفاصيل المغربية.

ولانكسي لي عندها 3 مليون متابع في انستكَرام دارت ستوري سابقا قالت فيه انها غادي تكون في المغرب بين 13 و17.

عارضة الازياء، كان عندها 300.000 متابع على إنستگرام، ومع البوز لي دارت وصلات لـ3 مليون في وقت قصير، وقالت في حوار صحافي أن أكثر حاجة جريئة وذكية دارتها في حياتها هي دخلات لداك التيران.