20/04/2024 03:00
60 طبيب جابوني غادي يدعيو “گوگل”.. تشكاو من التعليقات الخايبة وكيطالبو بتعويضات
نجوى المالحي-كود//
المخرج محمد فريطس لي كان غابر وكان اسمو متداول في قضية زواج بنتو من مذيع الجزيرة أحمد منصور رجع بعمل جديد لي قدمو البارح في مهرجان سلا ودخل طول وعرض في الممثلين لي قال عليهم: أي واحد ممكن يمثل دور جريء مقابل الفلوس.
فريطس لي تشهر باخراج فيلم “اكس شمكار” ذكر الممثل سعيد باي بالاسم وقال “الممثلين عطيهم الفلوس وصافي والدليل سعيد باي حيد سروالو كاع”.
وكانت اللقطة ديال سعيد باي في فيلم “زيرو” دارت الجدل بزاف وهي اللقطة لي قال أكثر من مرة أنه ماندمانش عليها نهائيا.
فريطس هدر حتى على لبنى أبيضار والمخرج نبيل عيوش ووصف فيلم “الزين لي فيك” بالفيلم البورنوگرافي لي معطاش للمرأة المغربية قيمتها وبينها فاسدة.