20/04/2024 14:30
الشبكة اللي كيتزعمها سوري ونصبات على بنات ففاس واستغلاتهم فالدعارة مشات تغراق حبس: الوكيل العام دوزها مباشرة لغرفة الجنايات والضحايا وصلوا لـ16
جمال بناصر – كود:
رجعو المخازنية مرة اخرى يلعبوا لعبة المش و الفار مع المهاجرين الافارقة اللي مخبيين ف الغابات المحيطة بالناظر في انتظار يلقا وشي فرصة باش يقطعوا للضفة الأخرى أو يتسللوا لسبتة المحتلة.
و البارح الثلاثاء المخازنية شدو 6 مهاجرين ينحدرون من افريقيا جنوب الصحراء فاش هبطوا لواحد القهوة معروفة فمنطقة سلوان بأنها تايجيو ليها هاذ المهاجرين باش يشربو قهيوة او يتكونيكطاو مع الفاميلات ديالهم اللي خلاو ف البلاد اللي جايين منها.
عملية المداهمة اللي وقعات البارح وعرفات اعتقالات و هروب مهاجرين آخرين تاتجي باش تأكد، حسب مناضلي الجمعية المغربية لحقوق الانسان بالناظور، على التعليمات غير المكتوبة اللي دايرة السلطة لصحاب القهاوي والمطاعم والطرانسبور بالناظور باش يديرو قطيعة مع المهاجرين و مايتعلموش معاهم نهائيا… دابا هاذي عنصرية و لا ماشي عنصرية.
