كود كازا//

رفضات غرفة الجنايات الابتدائية بمحكمة الاستئناف بكازا، صباح اليوم الجمعة، منح سليمان الريسوبي بالسراح المؤقت، اللي طالبو بيه الدفاع ديالو.

وقال ميلود قنديل، محامي الريسوني، فتصريحو ل”كود”، أن هذي ثاني مرة الدفاع كيتقدم بهذ الطلب أمام القضاء الجالس وكيتم رفضو، وأن الدفاع ماعندوش أسباب القرار، “حيت لحد الساعة لم يتم تحريره للتمكن من معرفة مبررات اتخاذو”، على حد تعبيرو.

وفجلسة لبارح الخميس، طالب دفاع الريسوني من المحكمة تمتيع الريسوني بالسراح المؤقت، كيف طلب من الريسوني، اللي بانو عليه علامات الإرهاق والوهن، برفع الإضراب عن الطعام اللي دايرو هذي أزيد من سيمانة.

وكان سبق للمحكمة رفضات طلب السراح المؤقت للريسوني مرات كثيرة قبل، الشيء اللي اعتبرو الدفاع انتهاك لمبدأ المحاكمة العادلة، حيت ماكاين حتى سبب اللي يخليه معتقل لما يقارب 9 أشهر، فيحين عندو كَاع ضمانات الحضور.

والجلسة دلبارح تأجلات حتى لما بعد رمضان يوم 18 ماي، بطلب من الدفاع.

والريسوني متابع بتهم هتك عرض شاب بالعنف واحتجازو.