الرئيسية > آش واقع > المجلة العلمية “Sciences et avenir” : المغرب الكبير مهدد بالجفاف.. والمغرب واخا عندو اكبر عدد من السدود فالمنطقة غيواجه ندرة الما
21/06/2021 18:00 آش واقع

المجلة العلمية “Sciences et avenir” : المغرب الكبير مهدد بالجفاف.. والمغرب واخا عندو اكبر عدد من السدود فالمنطقة غيواجه ندرة الما

المجلة العلمية “Sciences et avenir” : المغرب الكبير مهدد بالجفاف.. والمغرب واخا عندو اكبر عدد من السدود فالمنطقة غيواجه ندرة الما

كود- عن Sciences et avenir//

كشفات المجلة العلمية Sciences et avenir ان بلدان المغرب العربي مهددة بنقص المياه، وهذشي يقدر يقيس المغرب حتى هو.

وكشفات المجلة الفرنسية ان البلدان المغاربية عوالة تحارب هذ النقص فالما من خلال تخزين المياه السطحية وتجهيز السدود، وقالت ان المغرب موجد مزيان لهذشي من خلال 144 سد اللي عندو، وهو اكبر عدد سدود فالمغرب الكبير، بينما تونس عندها غير 34.

وقالت المجلة أن هذ البلدان كتواجه ندرة فالمياه، وخصوصا الجزائر بعد جفاف خزان سد كودية أسردون، اللي كيتعتبر من اكبر السدود فالبلاد، كيف أن معدل ملء السدود عندهم ماتجاوزش 50 فالمية فحدود 21 ماي 2021.

وفهذ الصدد، أكد عالم المناخ، رشيد بوسعود، لصحيفة الوطن الجزائرية، أن مستوى التساقطات تراجع فجميع أنحاء شمال البلاد.

وكانت كشفات مجلة Orient XXI ان استهلاك المياه هبط على عتبة الندرة فالبلدان المغاربية، حسب مؤشر دارو العالم السويدي Malin Falkenmark هذي 25 عام، واللي حددو ف1000 متر مكعب للساكنة فالعام. وهذا كيدل ان المغرب الكبير فوضع إشكالي، حيت الحياة الاجتماعية والتنموية والاقتصادية غتكون صعيبة بسبابو.

وعن وحدات لتحلية المياه، قالت Sciences et avenir ان الجزائر عندها 21 محطة، والمغرب شغل فبداية هذ العام اكبر وحدة للتحلية، لكن واخا هكذاك، كتشوف ان البلدان الثلاثة كتفتقر لوحدات المعالجة، وماكاينش تكافؤ  فالحصول على الما فالمناطق النائية والقروية.

باقي التفاصيل هنا:

https://www.sciencesetavenir.fr/nature-environnement/algerie-maroc-tunisie-les-agences-meteo-alertent-sur-la-penurie-d-eau-un-symptome-du-changement-climatique_155120

موضوعات أخرى

28/03/2024 09:00

محكمة فالصبليون برأت المتهمين فقضية لكسيدة اللي ماتو فيها 8 ديال المغاربة ف اسبانيا عام 2008

28/03/2024 07:00

سمية الخشاب دخلات طول وعرض فبرنامج الكاميرا الخافية ديال رامز جلال: هادي جريمة كيعاقب عليها القانون

28/03/2024 03:00

السروال ديال مقدم برنامج بريطاني داير أزمة فكوريا الجنوبية.. ها شنو دارت القناة ديالهم- فيديو

28/03/2024 02:00

مصور عندو 71 عام اتاهم الوالد ديال تايلور سويفت أنه تعدا عليه بالضرب ملي كان كيصورها