نجوى المالحي-كود//

من نهار تفجرات قضية التحقيقات مع المشتبه فيهم المتورطين في ملف “حمزة مون بيبي” ولاو الكونطات بسميتو دايعين بحال الفكَيع، وكل واحد وشنو كيكتب وكل واحد داير مابغا.

مول الكونط الحقيقي لي رجع كيبوسطي هادي سيمانة ولي التحقيقات خدامة باش يجيبوه، حط البارح تصاور كيحذر فيهم من الحسابات المزورة ولي قال انهم ماعندو علاقة بيهم وأن حساباتو باينين وواضحين.

حمزة مون بيبي لي مبحوث عليه اصلا طلب من اي واحد استغل سميتو في فايسبوك ولا انستكرام ولا سناب شاب وتعرض للتهديد ولا الابتزاز يمشي عند البوليس يدير شكاية، وأكد ان عندو 4 ديال الكونطات وراهم معروفين.

وأكد مون بيبي انه ماعندوش فايسبوك بمرة وكيخدم بسناب شات والانستاگرام لي عندو فيه 3 حسابات.