الرئيسية > كود سبور > الكوكب جرا على الإدريسي وبدلو بأوغني
02/10/2019 13:10 كود سبور

الكوكب جرا على الإدريسي وبدلو بأوغني

الكوكب جرا على الإدريسي وبدلو بأوغني

كود سبور//

فريق الكوكب المراكشي جرا على المدرب هشام الإدريسي، بعدما توصلوا بجوج على اتفاق حبي لفسخ العقد.

الكوكب فضل ينهي ارتباطه بالمدرب الإدريسي بعد فشله في تحقيق نتائج إيجابية فالماتشات ديال الدوزيام ديفيزيون.

الإدريسي ما قبل يتفاك مع مسؤولي الكوكب، حتا عطاولو رزقو كامل لي كايسال، والمقدر ب40 مليون سنتيم.

مسؤولو الكوكب طيرو الإدريسي بعدما تعادل الفريق في ثلاثة ديال الماتشات فالبطولة وتقصا من كأس العرش بكري، الشي لي خلا الجمهور المراكشي يعبر عن غضبو من هاد المدرب.

مصادر  “كود”، أكدت أن الإدريسي كان حاس أن ساعتو قربات مع الكوكب المراكشي، هادشي علاش طلب طرف من منحة التوقيع قبل الماتش ديال شباب المحمدية.

الكوكب المراكشي اختار المدرب حسن أوغني بلاصتو، بعدما قدمو اليوم للاعبين والمكتب المسير، وغادي يبدا فخدمتو رسميا غدا الخميس.

أوغني درب بزاف ديال الفراقي فالدوزيام ديفيزون، واهم نتيجة حقق هي الصعود مع مولودية وجدة للقسم الأول ونهائي كأس العرش مع وداد وفاس، لي خسرو ضد نهضة بركان العام لي فات.

موضوعات أخرى

28/03/2024 07:00

سمية الخشاب دخلات طول وعرض فبرنامج الكاميرا الخافية ديال رامز جلال: هادي جريمة كيعاقب عليها القانون

28/03/2024 03:00

السروال ديال مقدم برنامج بريطاني داير أزمة فكوريا الجنوبية.. ها شنو دارت القناة ديالهم- فيديو

28/03/2024 02:00

مصور عندو 71 عام اتاهم الوالد ديال تايلور سويفت أنه تعدا عليه بالضرب ملي كان كيصورها

28/03/2024 01:00

هجوم موسكو الارهابي.. 95 شخص ما زال مفقودين وروسيا كتشكك فان داعش هي اللي دارت هاد الهجوم