وكالات-كود//

ملك ماليزيا السابق “السلطان محمد الخامس” شرط على طليقتو ملكة الجمال الروسية باش تربي ولدهم لي ناكرو، كمسلم مقابل منح الطفل مبلغ 250 ألف دولار، وزاد كملها وجملها قال ليها ميفكرش ولدو يعيط ليه شي نهار.

صحيفة “ديلي ميل” البريطانية لي نقلات الخبر البارح الخميس، قالت أن هاد الشروط هي “كجزء من التسوية المقترحة بين الملك السابق وزوجته السابقة لي خلا العرش على قبلها قبل ما يطلقها بعد عام ديال الزواج.

ملكة جمال موسكو السابقة “أوكسانا فوفودينا” (27 عام)، مازال مصممة أن ولدها هو ولد محمد الخامس وغادي تلجأ للمحكمة في موسكو باش طالب بإجراء اختبار حمض نووي.

وهاد الوديعة لي غادي يحطهاالملك للطفل الهدف منها “إنتاج أرباح قدرها 1500 دولار، غادي تزايد مع تقدمه في العمر لتتكفل بمصاريفه الجامعية فاش يكبر”.