نجوى المالحي-كود//

الرابور أمير المشهور بحليوة دار واحد الخرجة عامرة كلاخ وغباء، عبر فيها زعما على الرأي ديالو في قضية البنت المنقبة لي صورها صابحها وهي كتمارس ليه الجنس الفموي قبل ما يسرب الفيديو ويشوهها.

حليوة معجباتوش القضية لي دار المدون أمين رغيب لي بغى يمسح الفيديو ديال البنت من جميع المواقع ديال البورنو باش لاطراس متبقاش في الانترنت، واخا حتى هاد الاخير ماخلا فيها يدار وزاد غير شووها، ولكن هذا ماشي موضوعنا.

حليوة بكل وقاحة كتب في ستوري على حسابو في انتسكَرام :”مفهمتش علاش بنادم باغي يتشوه وحنا نستروه، هي نسترو ميا خليفة … را واقيلة كون سولنا ديك مولات الخمار أتقوليك باغة نتشوه”.

من كلمات حليوة بان أنه غبي ودماغو سايط فيه الريح، السيد مكيفرقش بين نجمة ديال البورنو لي هي اختارت تمثل فيديوهات جنسية مخلصة عليهم باش تصور طرف ديال الخبز وعارفة غادي يشوفهم العالم، وبين كوبل كانو عايشين اللحظة بيناتهم وفي الأخير داكشي تسرب.

خطير ناس باقيين صغار بحال هاد حليوة يكون عندهم عقل مصدي وهما عندهم بزاف ديال المتتبعين خدامين يكلخو فيهم.