الرئيسية > كود سبور > الكرتي وجبران كيسواو 6 المليار.. اتحاد جدة عطا فالاول 3.5 وليل عرض 2.5 على الثاني.. والناصيري باغي يزرب عليهم
05/10/2019 08:00 كود سبور

الكرتي وجبران كيسواو 6 المليار.. اتحاد جدة عطا فالاول 3.5 وليل عرض 2.5 على الثاني.. والناصيري باغي يزرب عليهم

الكرتي وجبران كيسواو 6 المليار.. اتحاد جدة عطا فالاول 3.5 وليل عرض 2.5 على الثاني.. والناصيري باغي يزرب عليهم

مصطفى الشاذلي – كود سبور//

وليد الكرتي ويحيى جبران جابو للوداد البيضاوي 6 مليار سنتيم، مبلغ مغري لسعيد الناصيري، رئيس الفريق الأحمر بلاشك

الوداد البيضاوي تلقى عرض رسمي من ليل الفرنسي قبل خمسة ايام، وعرض على المسؤولين 2.5 مليار، مقابل التعاقد مع يحيى حبران، لي جابو الوداد البيضاوي من حسنية أكادير العام لي فات، وأصبح حاليا أحد الدعامات الأساسية بالمنتخب المحلي.

وحتا وليد الكرتي، لي تألق مع المنتخب الأول والمحلي جاه عرض من اتحاد جدة السعودي وصل لـ3 مليار ونصف.

الفريق السعودي دخل فمفاوضات جادة باش يفوز بالصفقة، ويقدر يرفع المبلغ، نظرا لمكانة اللاعب الكرتي فالفريق.

ورغم أن جمهور الوداد البيضاوي كيطالب بالاحتفاظ باللاعبين بجوج، نظرا لمشاركة فريقو فالمسابقتين الإفريقية والعربية بالإضافة إلى البطولة الوطنية.

وحسب مصادر “كود”، فإن سعيد الناصيري كيدرس الصفقة، وما عندو حتا مشكل يطلق لعابة بجوج إلا كان العرض المالي مغري. خصوصا أنه باع أشرف بنشرقي الهلال السعودي ومحمد أوناجم، وهما فأوج تالقهما، وبلا شك باغي يزرب على الكرتي وجبران.

وتجدر الإشارة أن الحسين عموتة، مدرب المنتخب المحلي وجه الدعوة لوليد الكرتي ويحيى جبران للمشاركة في الماتش ديال الحزائر، لي غادي يكون نهار 18 فالملعب البلدي فبركان ضمن إياب الإقصائيات الإفريقية المؤهلة إلى نهائيات كأس إفريقيا للامم، التي ستحتضنها الكامرون فيناير 2020.

موضوعات أخرى

29/03/2024 14:10

ها المعقول..استثمار صيني كبير فالمغرب بـ3 مليار درهم لانتاج بطاريات السيارات الكهربائية غايوفر 2500 منصب شغل وبلادنا هربات على لالجيري فصناعة السيارات

29/03/2024 14:00

الدريب لـ گود: الناصيري عطى لكثير للوداد وهادي صفحة وطويناها ودابا حقبة جديدة برئاسة البرناكي وغنخدمو لإرضاء الوداديين

29/03/2024 13:45

تفاصيل حصرية على وضع منسقة جهوية لحزب سياسي بجهة فاس مكناس فالحراسة النظرية: خدات من الضحايا فلوس صحيحة وصلات 18 مليون والمدير الجهوي ديال الضرائب هو اللي فضحها

29/03/2024 13:30

الجيش الإسباني غاد يوسع المنشأت العسكرية ف سبتة ومليلية وغيجهز مراكز خاصة للتدريبات والمناورات لسلاح المدرعات

29/03/2024 13:00

علاش الاتحاد الأوروبي كيلعب لعب خايب مع المغرب وكيشكك فالسلع الفلاحية ديالو؟

29/03/2024 12:30

السلطات المغربية قبلات العودة ديالهم.. گاع الحراگة اللي استغلو الموڤيطا ديال الثلاثاء الفايت وحرگو لسبتة رجعو