وكالات-كود//

نايضة فرياض، عاصمة السعودية، بعد انتشار فيديو ديال سيدة لابسة كسوة قصيرة كانت كدور في الشارع، ورباعة ديال المكابيت ماحتارموش حريتها وصوروها ونشرو الفيديو لي دار البوز في الانترنت.

وطالبو السعوديين بمعاقبة السيدة لأن لباسها كيخالف الذوق العام المحدد بقوانين وضوابط البلاد المتخلفة.

وفي الوقت لي كتبان فيه السيدة كتحاول تهرب من الكاميرا، قال السيد لي كيصور أن الأمر يتعلق براجل لابس حوايج ديال العيالات.

ولحد الآن ماخرجش شي بلاغ رسمي من السلطات باش يكشفو تفاصيل الواقعة، لكن كاين تحريض كبير على العنف منتشر فتويتر.