نجوى المالحي-كود//

الكبت والكلاخ مازال فعقول بعض المغاربة لي ماحملوش الكوايري أشرف حكيمي يعلن خبر حمل حبيبتو التونسية هبة أوبوك، وهما مازال مامزوجينش، ودخلو معاه جنب وبداو كيعطيوه الموعظة.

ولأن بنادم ماعندو ميدا، ناضو جبدو فيديو في عمرو 3 سنين كتبان فيه هبة، كتباوس بوش آ بوش مع متسابق في برنامج اسباني وكتبو: “تباوسات حتى عيات وخدات ولدنا”.

هادي 2019 وبنادم باقي عقلو مدعشش ومتخلف، باقي كيحاول يخيب صورة مرأة ناجحة وعارفة شنو كيدير فقط لأنها كانت عندها حياة وعلاقات وحملات من حكيمي بلا زواج.

اشرف وهبة كاع مامسوقين لهاد التخلف، وفرحانين بزاف بالحمل.