هاد الفلوس مطمورة عند الناس غير من سعد النصابة والشفارة وصحاب شركات التسويق الهرمي لي كيجمعوا الضحايا بالألاف وكل مرة كتبان وحدة وبنادم باقي مابغى يعيق خاص الدولة تحارب التعامل وحيازة الفلوس كاش لأنهم كيدمروا اقتصاد البلاد
كود سبور//
غتكون الأندية المغربية المنافسة على الواجهة الإفريقية أمام فرصة مواتية لإضافة أسماء جديدة إلى اللوائح الإفريقية الخاصة بها، وذلك لشهر إضافي آخر قبل غلق فترة التسجيل.
الاتحاد الإفريقي لكرة القدم وحسب مصادر مطلعة، قرر يمنح للفرق المشاركة فعصبة أبطال إفريقيا وكأس الكونفدرالية، وقت أكثر من أجل تعديل اللوائح الخاصة بها للمشاركة فالمسابقتين، وذلك لمدة أربعة أسابيع إضافية بالنسبة الفرق المعفية من الدور التمهيدي كالوداد والرجاء ونهضة بركان، وبالتالي تمديد فترة القيد فاللوائح الإفريقية بالنسبة لها من 15 غشت إلى 15 شتنبر، أما الفرق لي غتلعب الأدوار التمهيدية ومن ضمنها فريق الجيش الملكي فغيكون بإمكانها تسجيل لاعبين آخرين إلى غاية 22 غشت بدل 15 من نفس الشهر.
ومن بين الفرق لي غتستافد من هذا الإجراء الجديد ديال الكاف، فهناك الأندية المغربية المشاركة بالبطولتين الإفريقيتين، والحديث هنا عن الوداد والرجاء الرياضيين فعصبة أبطال إفريقيا ونهضة بركان والجيش الملكي فكأس الكونفدرالية، وبالتالي فهاذ القرار كيخدم هاذ الفرف بشكل كبير، وبالخصوص بطل إفريقيا والمغرب الوداد والغريم ديالو الرجاء المطالبين بالتعاقد مع لاعبين إضافيين فالميركاتو الصيفي الجاري إضافتهم للوائح الإفريقية لسد الخصاص.