كود الرباط//
تمكن حزب الاستقلال من الفوز بالاغلبية المطلقة في جماعة اولاد فرج باقليم الجديدة، حيث حصلت لائحة عثمان الطرمونية، الكاتب الوطني للشبيبة الاستقلالية، على اغلبية المقاعد في هذه الجماعة بما يقارب 6000 صوت.
وعكس مزاعم عبد اللطيف وهبي، الامين العام لحزب الاصالة والمعاصرة، للي كان ضد لائحة الشباب وحاربها حيث كان عارف غادي تحيد، فاش قال بلي الشبيبات الحزبية مكتقدش على الدوائر المحلية والجماعات وكتمشي للريع ديال لوائح الشباب، رغم هادشي تمكن الطرمونية من دحض هذه المزاعم وربح فالجماعة باغلبية مريحة ومطلقة (28 مقعد).
ماشي غير الطرمونية للي هو مسؤول شبيبة الاستقلال لي تحداو وهبي، كذلك لحسن السعدي مسؤول شبيبة الاحرار طلع للبرلمان فدائرة وهبي، اضافة الى عودة عدد من المرشحين لي طلعو فلائحة الشباب للبرلمان عن طريق الدوائر المحلية.
وهبي كيسحابليه بلي احزاب مكتعطيش فرصة للشباب، ولكن هضرتو تصدمات مع البروفيلات لي قدم الاستقلال والاحرار، ونجحو، شفنا الطرمونية فالجماعات باغلبية مطلقة، وشفنا الفاسي هزم شباب.