مصطفى المزابي -سطات كود//
بحال الافلام بدات بمطاردة من حي سيدي عبد الكريم المعروف “بدالاس بسطات٬ وفيها خرج بوليسي بالمصلحة الولائية للشرطة القضائية بمدينة سطات الفردي ليلة البارح الاربعاء باش يوقفو عصابة من 3 سنهم ما بين 28 و30 سنة. القرطاسة مشات لواحد كان هاز سيف وقاصد البوليس بالقصيبة طواحين مدينة سطات في طريق كيسر.
بيان للمديرية العامة للأمن الوطني عطى معطيات جديدة. قال باللي شدو المشتبه فيه الرئيسي حقاش كانت عليه مذكرات بحث وطنية: مخلطها بيع الكيف ولحشيش والشراب بلا رخصة. باش شدوه لقاو عندو شي بركة.
الشرطة دخلات لدارو ولقات 2 صحابو وهنا واحد فيهم جبد سيف وهاجم البوليس وهما يخرجو لفرادة وضربوه وحيدو ليه السيف
بيان المديرية قال باللي كاع المتهمين فالحراسة النظرية فيما اللي تضرب مشى لسبيطار الحسن الثاني بسطات، طبعا حتى هو غادي يتابع