أسماء غربي-كود//

هادشي لي دارتو صفاء حبيركو وراجلها نهار الجمعة فسبوع التوام ديالهم رجعنا لعصور العبودية.

السيدة بغات دير كوبي كولي للطقوس المخزنية زعما، ساعة المغاربة اعتابرو داكشي عنصرية حيت راجل عندو بشرة سوداء هز ليها المظل بكل وقاحة وحقارة.

هادشي ديال الفشر بيليكي تسبب ليها فهجوم منقطع النظير، ولكن باين ما غاداش تسوق حيت اصلا ما مخلصا والو فالسبوع، ومنظمينو ليها غير الماركات اللي كدير ليهم الاشهارات في حسابها في انستگرام.

للأسف هاد لامود ديال السبوع بطقوس “مخزنية” ديال مواليها لي كيعرفولها، ولا منتشر عند الفنانين، آخرهم أنس الباز، واللي حتى هو جبد عليه النحل.