هشام اعناجي كود الرباط//

هاد الاغلبية الحكومية مبقا عندها تأثير ف بزاف د القضايا، وكاع الملفات لي فيها خلافات مقدراتش تحسمهم، وأخير هاد الملفات، مشروع القانون الإطار رقم 51.17، لي بغات هيئة الاغلبية الحكومية (زعماء الاحزاب لي مشكلين الحكومية) دوزو ف دورة استثنائية، لكن اشنو وقع دبا؟.

لي وقع هو أن ديك اللجينة التقنية لي كلفوها الفرق البرلمانية بتنسيق مع زعماء الأحزاب، فشلات فالتوافق ومخرجاتش بشي نتيجة ف النقط الخلافية (تقريبا 9 مواد ف مشروع القانون الاطار مزال ممحسوماش) وفق مصدر مطلع لـ”كود”.

وحسب مصادر “كود” فإن خلافات عاصفية بين الفريق الاستقلالي من جهة واحزاب الحكومة من جهة اخرى، سببت في بلوكاج جديد حول هذا المشروع الذي يهم قطاع التربية والتعليم في المغرب.

وفشلت اللجينة البرلمانية المشكلة لمناقشة مشروع قانون الإطار رقم 17.51 الخاص بالتربية والتكوين والبحث العلمي، في اجتماعها يوم أمس الإثنين 11 مارس 2019 بمجلس النواب، من حسم جميع مواد المشروع، رغم الحاح الأغلبية الحكومية على التوافق لتجاوز النقط الخلافية.

مشروع القانون المشكل من 60 مادة تقريبا، كولشي مافيهش مشكل الا 9 مواد، منها بالأساس داكشي ديال لغة التدريس، لي كيتصارع فيه جوج تيارات، واحد محافظ (البييجيدي والاستقلال) وواحد اخر كيعتبر راسو تقدمي وباغي الانفتاح (الاحرار والبام والباقية).

بذلك غاتكون الدورة الاستثنائية لمجلس النواب، فقط للتصويت على  الاتفاقيتين الموقعتين مع اوربا حول الزراعة والصيد البحري.