عن البي بي سي ///

الفرج قريب. بريطانيا اول دولة فالعالم وافقات على استخدام الڤاكسان “فايزر-بيونتيك”. الهيئة التنظيمية للأدوية ومنتجات الرعاية الصحية فهاد البلاد قالت باللي هاد اللقاح اللي يوفر حماية بنسبة 95 في المئة، “آمن للاستخدام على نطاق واسع”.

بريطانيا غادية تبدا بالفئات اللي محتاجاها وفق مصادر حكومية. من بينهم الناس لكبار.

دابا هاد السيمانا ولا بدية السيمانا اللي جاية غادية توصل ليها 800 الف جرعة وبعدها توصل 10 مليون اخرى. لندن كانت طلبات 40 مليون جرعة اللي كافية باش تلقح 20 مليون مواطن. وزيرهم فالصحة مات هانكوك كتب ف”تويتر “الغوث في الطريق. دائرة الصحة مستعدة لبدء عملية التطعيم بداية الأسبوع القادم”.

حسب البي بي سي فهناك حوالي 50 مستشفى على أهبة الاستعداد، كما يجري تجهيز مراكز للتلقيح في عدة أماكن مثل قاعات المؤتمرات.

بحال لقاح فايزر بحال لقاحات الصين وموديرنا واوكسفورد كيدار بجوج جرعات. الفرق بين الاولى والثانية شي عشرين يوم