كود سبور//

الاتحاد البيضاوي فجر مفاجأة من العيار الثقيل، بعدما فاز على الدفاع الحسني الجديدة اليوم السبت بملعب طنجة في نصف نهائي كأس العرش.

“الفار” وقف فهاد الماتش مع الاتحاد الرياضي، بعدما ارجع ليه الحكم سمير الكزاز جوج المرات، مرة فاش عطا بيلانتي في الدقيقة 122، ومرة الثانية باش يتأكد من تجاوز الكرة خط المرمى.

الاتحاد البيضاوي كان في مستوى هاد الماتش وقدم واحدة من أجمل مبارياته، ووقف ندا قويا للدفاع الحسني الجديدي، وما بانش الفرق بين فريق كايلعب في القسم الثاني والثاني في الدوزيام ديفيزيون.

هاد الماتش تطرد فيه اللعاب مصطفى شيشان بعد الرجوع الى تقنية الحكم المساعد “الفار”، وهي أول مرة كيستعمل فيها “الفار” في البطولة الوطنية، وأول مرة، كيتطرد لاعب مغربي، بعد الرجوع الى تقنية الحكم المساعد.

الاتحاد البيضاوي تاهل على حساب فريق قوي ومنظم وغادي يلعب الفينال كونتر، الفائز ف ماتش حسنية أكادير والمغرب التطواني، نهار 18 نونبر الجاي بالملعب الشرفي بوجدة.