كود كازا///
“العميل المظلم”، هو عنوان كتاب صادق عليه الصحفي الاسباني اگناسيو سيمبريرو اللي مهتم بالشؤون المغربية، وألفه كاتب مابغاش يحط اسمه عليه.
الكاتب كيف كيهضر على راسو فالكتاب، خدم كعميل فجهاز المخابرات الاسباني السابق “سيسيد”، ومن بعد مع “سي ان اي”، اللي هي المخابرات الاسبانية الحالية، وقال في الكتاب أنه في البداية ومنذ الثمانينيات ختارق اليسار الاسباني، بعدها ختارق السلفيين فإسبانيا واعتانق الاسلام ودخل وسط المتشددين.
وفآخرتها اختارق وخدم مع المخابرات المغربية فإسبانيا، وكان كيعطي كولشي للمخابرات الاسبانية.
فهاد الكتاب كتقول الصحافة الاسبانية انه كاين فضايح كثيرة، و”العميل المظلم” يقدر يدهور العلاقات بين أجهزة المخا الاسبانيةوالمغربية، كما وأن الكاتب واخا حيد بزاف دالمعلومات اللي ممكن تفضحو، ولكن مخابرات البلدين غاتعرفو بكل تأكيد شكون هو.
