الرئيسية > آش واقع > العمران” كتستعد لاستئناف أوراش البني.. وبوشارب: هادشي غادي يمكن من إنقاذ المقاولات والأشغال العمومية
04/06/2020 16:10 آش واقع

العمران” كتستعد لاستئناف أوراش البني.. وبوشارب: هادشي غادي يمكن من إنقاذ المقاولات والأشغال العمومية

العمران” كتستعد لاستئناف أوراش البني.. وبوشارب: هادشي غادي يمكن من إنقاذ المقاولات والأشغال العمومية

عفراء علوي محمدي- كود//

استعرض كَروب “العمران” على وزيرة إعداد التراب الوطني والتعمير والإسكان وسياسة المدينة، نزهة بوشارب، فاجتماع ليهم، خطة استئناف العمل فأوراش البناء والتهيئة على المستوى الجهوي.

وقالت الوزيرة بوشارب أن الانطلاق التدريجي الآمن غيمكن من إنقاذ مقاولات البناء والأشغال العمومية، خصوصا وأن مجموعة العمران مسؤولة على حوالي 85 فالمية من البرامج العمومية في القطاع.

وقدمات الوزارة للشركة دليل توجيهي لعمال أوراش البناء والمصانع ووحدات الإنتاج والمباني الإدارية والمكاتب، كتتقاطع تعليماتو مع تعليمات وزارة الصحة ووزارة الشغل، بالإضافة لانها دارت نظام رصد جهوي لتتبع مختلف الأوراش.

وحسب بلاغ للكَروب، توصلات بيه “كود”، فهذ الاجتماع، اللي حضرو رئيس وأعضاء الإدارة الجماعية لمجموعة العمران، والكاتبة العامة، والمدراء العامين لشركات العمران الجهوية، والمديرين الجهويين للإسكان وسياسة المدينة، تناقش فيه مستوى تقدم الأوراش فالجهات، وأهداف وظروف انطلاقها بشكل تدريجي، وفق للإجراءات المعتمدة لمنع انتشار فيروس كورونا المستجد.

وتناقشات فالاجتماع الاحتياجات اللي غتسهل انطلاق المشاريع، بحال اللي كتتعلق بحركية العمال وتنقل المهنيين، والتزويد بمواد البناء والعمليات المتعلقة بالأوراش.

موضوعات أخرى

28/03/2024 10:20

أزمة كليات الطب والصيدلة مزال غادية.. مجلس طلبة الطب بفاس: النضال ديالنا مستمر ومقاطعتنا المفتوحة قائمة

28/03/2024 10:00

تمويل مول “الشروق”. بوصوف باغي يخلع القضاء بالرسالة الملكية: غير خرج خبار التحقيق معاه نشر رسالة للملك فالفايسبوك وسبونوسوريزياها

28/03/2024 09:00

محكمة فالصبليون برأت المتهمين فقضية لكسيدة اللي ماتو فيها 8 ديال المغاربة ف اسبانيا عام 2008

28/03/2024 07:00

سمية الخشاب دخلات طول وعرض فبرنامج الكاميرا الخافية ديال رامز جلال: هادي جريمة كيعاقب عليها القانون