عمر المزين – كود //

قالت حليمة العسالي، القيادية البارزة في حزب الحركة العشبية، إن صهرها محمد أوزين، الوزير السابق، الموجود حاليا بإحدى المصحات الخاصة بالعاصمة الرباط داز من حالة خايبة بزاف بسبب إصابته بفيروس كورونا.

وذكرت العسالي، في اتصال دارتو معها “كَود”، أن فهاد اليومين بدات الحالة الصحية ديال أوزين تتحسن، مضيفا: “ماكوناش كنشوفوه كَاع لكن البارح بدا يصيفط ليا الميساجات. كانت 20 فالمية من الريا ديالو تقاصت ليه وبعد 3 أيام رجعات 40 فالمية”.

وزادت القيادية الحركية بنبرات لا تخلو من الحزن على: “النهار الثاني مللي مرض رجع كلو زرق واللي خوفني بزاف هو الما اللي لقاو عندو فالرية ودار تحاليل فاللول على كورونا وطلعو كلهم نيكَاتيف لكن الرابعة بانت إيجابية، والدوا جبناه من برا”.

وقللت العسالي فآخر تصريحها معه “كَود” من خطورة الحالة الصحية لمحمد أوزين، وقالت بللي “داك الما اللي كان عندو فالرية بدا كينقص مللي خدا الدوا ودبا مابقاش عندو ضيق فالتنفس”.