الرئيسية > آش واقع > الطالبة المغربية اللي رحلاتها بلجيكا لـرومانيا فبوناني 2021 رفعات دعوى ضد الدولة البلجيكية بسباب معاملتها كـ”مجرمة”
05/02/2023 20:00 آش واقع

الطالبة المغربية اللي رحلاتها بلجيكا لـرومانيا فبوناني 2021 رفعات دعوى ضد الدولة البلجيكية بسباب معاملتها كـ”مجرمة”

الطالبة المغربية اللي رحلاتها بلجيكا لـرومانيا فبوناني 2021 رفعات دعوى ضد الدولة البلجيكية بسباب معاملتها كـ”مجرمة”

كريم الصوفي – كود//

[email protected]

الطالبة المغربية “وئام زيطي” اللي رحلاتها السلطات البلجيكية فالبوناني ديال 2021 لـرومانيا ما سكتاتش على حقها وناضت دعات الدولة البلجيكية على التجاوزات اللي تعرضات ليها فـهاذيك الليلة. وئام كلفات محامي للي طالب قدام محكمة بروكسيل الابتدائية بتعويض الطالبة المغربية لأنها “تعرضت للإذلال والمعاملة كمجرمة” من قبل الشرطة.

الضحية المغربية اللي كتدرس الطب مشات لبلجيكا برفقة والديها وقدمات إفادة حول احتجازها فمركز مغلق ضواحي بروكسيل قبل ترحيلها لـرومانيا وقالت أنها ولى عندها ضغط نفسي كل مرة كتوصل لمطار شارلروا البلجيكي من هذيك الواقعة وكتخاف تلاقى مع البوليسي اللي اعتقلها هذيك الليلة.

الواقعة كترجع لـ 2021. الطالبة المغربية كانت باغية تدوز كونجي البوناني فالمغرب، لكن إغلاق الحدود، خلاها تفكر باش تمشي لبلجيكا عند عمها تدوز عندو شي ايامات ومن بعد يمشيو بجوج لمدينة ليل الفرنسية باش تلاقا بخوها التوأم ويدوزو احتفالات رأس السنة مجموعين، لكن المعاناة ديالها بدات مني حطات رجليها فمطار شارلروا البلجيكي، حسب وسائل إعلام بلجيكية.

مشات للديوانة والبوليس وعطاتهم الباسبور المغربي ديالها وتصريح الإقامة فرومانيا وفيزا شنگن السياحية ديالها الصادرة عن السلطات الفرنسية. ضابط الديوانة سولها على الغرض من زيارتها، وجاوباتو بالتفصيل على كلشي، لكن الضابط عاود سولها على كيفاش غادي تدبر المعيشة ديالها. الطالبة وئام، وعلى حساب راديو وتلفزيون بلجيكا، ورات للضابط لاكارط بانكير ديالها وقالت ليه يمشي معاها لگيشي باش يعرف أنها قادرة باش تعيل راسها.

ووفقا للشابة وئام، ضابط الشرطة بدا كيتهكم عليها بملاحظات غير مقبولة وداها ل شامبر فالطابق السفلي وتمت مصادرة أمتعتها الشخصية واخا عندها ضمانة ديال عمها، على حسب اللي حكات لراديو وتلفزيون بلجيكا الناطق بالفرنسية، ومن بعد صيفطات شرطة الجمارك تقرير إلى مكتب الهجرة اللي قرر طرد الطالبة من الأراضي البلجيكية وإلغاء التأشيرة السياحية الخاصة بها.

التبرير اللي عطاه مكتب الأجانب، حسب راديو وتلفزيون بلجيكا، هو أن الطالبة لم تستوفي الشروط باش تدخل لبلجيكا وبغات تبقى 22 يوم كاملة واخا عندها غير فيزا سياحية صادرة عن فرنسا وما قدراتش تبرر أنها قادرة باش تخلص على راسها 45 يورو كل يوم حسب القانون. هاذ الهضرة كاملة، نفاتها الطالبة المغربية، وأكدات أنها ما كانتش ناوية تبقى 22 يوم فبلجيكا، وقالت إن الحاجة الوحيدة اللي قالت، هي توفرها على تذكرة طيران باش ترجع لرومانيا ف 3 يناير 2022 لمواصلة دراستها الجامعية وجات لبلجيكا باش تدوز ايامات مع عمها ومن بعد يمشيو بجوج لليل الفرنسية باش تلاقا بخوها التوأم ويدوزو احتفالات البوناني.

ودائما حسب راديو وتلفزيون بلجيكا، وضعت الطالبة المغربية فالحبس الانفرادي لمدة 11 يوم، وقررات توكيل محام اللي نصحها بتقديم استئناف استعجالي قدام محكمة قضاء الأجانب. كما استنكرات عدم تمكنها من حضور جلسة الاستماع. هاذ الشي برو المحامي أن الاستدعاء يمكن ما وصلش لمركز التوقيف. “ما قتلت حد ما سرقت جيت باش ندوز عطلة نهاية العام مع عائلتي وعاملوني بحال المجرمة. تجربة سيئة ومزال كنحس بالصدمة”، تقول الطالبة المغربي.

موضوعات أخرى

28/03/2024 23:00

الفيفا طالبو الصبليون يوضحو لهم تهم الفساد المالي الموجهة للرئيس السابق روبياليس وللمعتقلين فالقضية

28/03/2024 22:35

اشناهي المواد الغذائية الفاسدة اللي تشدات ف15 يوم درمضان؟ 402 طن فيها 106 من التوابل و60 طن من العصير و35 طن من لحليب و34 طن من السكر واتاي

28/03/2024 22:30

لشكر شتت تنسيق المعارضة.. زرب على بنعبد الله وبنكيران وأوزين وعلن رسميا باسم المعارضة على ملتمس الرقابة

28/03/2024 22:00

الأمير هشام العلوي عطا محاضرة فمعهد الدراسات السياسية فباريس على دور السياسة فالتقدم الاقتصادي فمنطقة الشرق الأوسط و دار مقارنة بين الانظمة ديال الخليج و ديال شمال افريقيا

28/03/2024 21:30

ضوسي السمسرة القضائية.. غرفة الجنايات بكومناف حكمات على عصابة ريبكو ليفها قضاة ومحامين وسماسرة بالحبس والغرامة

28/03/2024 21:00

يكذب الإسلامي وهو يتحدث عن تفكك الأسرة في الغرب! نحن روحانيون وأسرنا متماسكة وأطفالنا يكبرون في الشارع بعناية إلهية

28/03/2024 20:30

لاگوارديا سيپيل شدو جهادي صبليوني من أصل مغربي نشر رسائل مشفرة لدعم داعش وشروحات حول كيفية تصنيع المتفجرات