23/04/2024 22:00
موقف بركان قوي واتحاد العاصمة ضعيف وها الأحكام اللي يقدر يصدرها الكاف فقضية الغاء الماتش بسبب حماق الكابرانات
كود كازا//
الضو غيتقطع على مجموعة من الأحياء فمراكش ابتداء من أول نهار فرمضان، بحيث علنات الوكالة المستقلة لتوزيع الماء والكهرباء فالمدينة على انقطاع التيار الكهربائي، ابتداء من اليوم الأربعاء وحتى لنهار الحد، وهذشي فاطار اشغال ربط وصيانة الشبكة.
وحددات الوكالة، فبلاغ ليها، الوقيتة فوقاش غيتقطع الضو، بحيث قالت انه غيتقطع فالصباحات، مع السبعة دالصباح حتى الجوج ونص دالعشية على أبعد تقدير، على حساب الأحياء
والضو غيتقطع فكل من المنارة وسوكوما وزنقة شجرة العرعار، وشجرة التين، وزنقة الفستق، وشجرة الحامض، حسب نفس البلاغ.
وطلبات الوكالة من زبناءها اللي ساكنين فهذ الأحياء باش يردو البال، حيت ممكن يرجع الضو قبل هذ التوقيتات اللي شارت ليهم.