أسماء غربي -كود//
اليوم كان الصهد بزاف في كازا ووصلات الحرارة حتال 34 درجة، هادشي خلا الكازاويين يخرجو لعين الذياب يتبردو مع راساتهم ويعومو ويحسو بالانتعاشة.
النقطة لي لفتاتنا وحنى في البحر من جهة “انفا بلايص” أنه ماكينش العيالات بالمايو حتى هوما كيعومو تقول العيالات نقارضو من فوق الكرة الأرضية، كاين غير الدراري والرجال لي لابسين الشورطات وماكين غير التنس والفولي والكرة، ولي يشوف البحر اليوم يقول غير شهر غشت.
كون مكانش رمضان كون العيالات حاضرات، لكن العقلية الذكورية والمجتمع المكلخ والمتزمت خلا بنادم يولي يخاف من الصداعات والبنات ولاو كيديرو بناقص كاع.
