الرئيسية > آش واقع > الصبليون : شاهد محمي كشف عن تفاصيل جديدة حول تصفية بارون المخدرات “النيني”. القضية فيها قاتل مأجور محترف فرنساوي
11/07/2021 14:30 آش واقع

الصبليون : شاهد محمي كشف عن تفاصيل جديدة حول تصفية بارون المخدرات “النيني”. القضية فيها قاتل مأجور محترف فرنساوي

الصبليون : شاهد محمي كشف عن تفاصيل جديدة حول تصفية بارون المخدرات “النيني”. القضية فيها قاتل مأجور محترف فرنساوي

كريم الصوفي – كود//

[email protected]

كشف شاهد محمي للحرس المدني في ملف بارون المخدرات “النيني” عن تفاصيل جديدة حول جريمة تصفيته في عرض ساحل الميناء الترفيهي مارينا سمير بشمال المغرب في صيف سنة 2014.

الشاهد المجهول أكد ان مقتل محمد الطيب الوزاني الملقب ب “النيني” تم علي يد جوج ديال البزناسة الكبار لي كانو تابعين ليه ومني استقلو براسهم وبداو خدامين لحسابهم فرض عليهم دفع مبالغ مالية كبيرة عن كل شحنة كيهربوها على برا. الشاهد المحمي ذكر سفيان سوكاطو و إل لوكو باعتبارهما المتورطين في التخطيط للتخلص من النيني لي قهرهم وخلاهم ما قادين يخدمو على راحتهم واتهموه بالابتزاز.

افادة الشاهد جا فيها ان سوكاطو كان باغي يطور النشاط ديالو من خلال تهريب الكوكايين من موريتانيا ولقا مشاكل كبيرة مع النيني ومن بعدا خطط مع إل لوكو وبداو كيجمعو معطيات على تحركات النيني لمدة أسابيع باش يختارو اللحظة المناسبة وتلقاو معلومات من معاون قريب تابع لـ “النيني” لي تقتل من بعد داخل طوموبيلتو..

على حساب ما قال الشاهد، تصفية النيني خلات المتورطين يربطو بقاتل مأجور محترف فرنساوي وتوفير اسلحة واجتماعات في أوطيل وأماكن اخرى. توصلو بخبيرة بأن النيني غادي يخرج في قارب ترفيهي من مارينا سمير بلا حماية كبيرة. غير جات ساعة الصفر تحركو سوكاطو وإل لوكو والقاتل المحترف وبعد محاصرة النيني بداو كيهينو فيه بدا القرطاس ولاح راسو في البحر وبدا كينزف وقدرو يجبدوه ويثبتوه بمرساة ديال القارب.. ومن بعد تم احراق القارب باش ما تبقاش أثار دم أو حمض نووي..

من بعد هاذ المهربين نوضوها بيناتهم. “إل لوكو” قدر يهرب من المغرب وحافظ على علاقاته مع بارونات تهريب المخدرات في إسبانيا وسميتو طلعات في التحقيقات لي دارت الشرطة الوطنية الاسبانية ضد عشيرة لوس كاستانيا، وفي في دجنبر 2020، تقتل في إطلاق نار في سبتة، أما سوكاتو بان في صيف 2018 في ماربيا.

موضوعات أخرى

29/03/2024 11:00

الدريب لـ گود: الناصيري عطى لكثير للوداد وهادي صفحة وطويناها ودابا حقبة جديدة برئاسة البرناكي وغنخدمو لإرضاء الوداديين

29/03/2024 10:40

جدل امتحان البيرمي.. “نارسا”: كاين تطور إيجابي فنسبة نجاح المترشحين فاليوم الرابع ووصلات لـ54,41 فالمية

29/03/2024 10:30

بلقشور: الوداد تحملو مسؤوليتهم والجموع العامة دازت مزيان وتم التصويت على گاع التقارير ومبروك عليهم

29/03/2024 10:21

تقرير رسمي: أسعار الصناعات الغذائية فبلادنا تراجعات وإنتاج وتوزيع الما والضو مستقر

29/03/2024 10:00

دقة تابعا دقة فـ”قضية تمويل فرحان” مول الشروق. بوصوف كان غادي يدير درس حسني قدام سيدنا ويقدم كتابو ليه وحيدوه

29/03/2024 09:50

ماتش الكوكب والحسنية.. تابعوه 20 ألف واحد وولاية أمن لمدينة لحمرا سخرات 1270 بوليسي وها شحال تشدو

29/03/2024 09:42

السينمائيون يهاجمون بنسعيد: كاين تراجع فالمكتسبات للي تحققات فحكومات سابقة وخاص حوار جاد ومسؤول باش نتجاوزو الأزمة